İngiltərə Liqa Kubokunda yarımfinal mərhələsinin ilk oyunlarına start verilib. Apasport.az saytının məlumatına görə, birinci matç günündə yalnız bir qarşılaşma reallaşıb.

"Aston Villa" səfərdə aşağı liqa təmsilçisi "Bradford"un qonağı olub. Görüş meydan sahiblərinin qələbəsi ilə yekunlaşıb. Fasiləyə minimal hesablı üstünlüklə yollanan "Bradford" ikinci yarıda qonaqları iki dəfə mərkəzdən başlamağa məcbur edib. "Aston Villa" bu qollardan yalnız birinin əvəzini çıxa bilib.

Beləliklə, rəqibini 3:1 hesabı ilə məğlub edən "Bradford" cavab matçı öncəsi böyük üstünlük əldə edib.

Qeyd edək ki, yarımfinal mərhələsinin növbəti oyunu bu axşam keçiriləcək.


İngiltərə Liqa kuboku

Yarımfinal mərhələsi

8 yanvar

"Bradford" - "Aston Villa" - 3:1
Vells, 19, Makardle, 77, Makhyuc, 89 - Veymann, 83

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı