Topaz Premyer Liqasının hazırkı lideri “İnter”in bu gün keçirməli olan 2-ci yoxlama oyunu baş tutmayacaq. Apasport.az saytının məlumatına görə, qış çempionumuzun Rusiya Premyer Liqası təmsilçisi “Amkar”la Bakı vaxtilə saat 19:00-da başlamağı nəzərdə tutulan matçı hava şəraiti üzündən təxirə salınıb.

Buna da səbəb Antalyada hazırda güclü küləklə müşayiət olunan yağmurun yağmasıdır. Hələ günün əvvəlində müşahidə olunan leysan komandalara meydana çıxmağa imkan verməyib. Buna görə də oyunun keçirilməyinin mümkün olmadığına qərar verilib.

Qeyd edək ki, “İnter” dünən ilk oyununda 2-ci Bundesliqa klubu “Aalen”lə görüşüb. 21-ci dəqiqədə Yuri Fomenkonun mükəmməl ötürməsindən sonra hesabı Samir Zərgərov açsa da, 79-cu dəqiqədə Martin Dauş cərimə zərbəsindən hesabı bərabərləşdirib.

• "Qalatasaray" Çalhanoğlu üçün hərəkətə keçdi
• Klopp ilk ev oyununda uduzdu – Məsuliyyəti üzərinə götürdü
• İlkay Gündoğan “Qalatasaray”da xoşbəxt deyil – Yanvarda qərar verəcək
• Messi rekordun bir addımlığında – 76-cı cərimə zərbəsi qolu - VİDEO
• İsveç millisində ciddi itki - YIĞMANIN DÜŞƏRGƏSİNDƏN AYRILDI