Azərbaycan milli komandasının futbolçusu Ruslan Abışovun transfer olunacağı gözlənilən “Rubin” bu gün növbəti yoxlama oyununu keçirib. Apasport.az saytının məlumatına görə, İspaniyada təlim-məşq toplanışında olan Kazan klubu Ukrayna “Dnepr”i ilə qarşılaşıb.

Matç Tatarıstan təmsilçisinin məğlubiyyəti ilə başa çatıb – 0:1. Lakin Almaniyada cərrahiyə əməliyyatı olunan və daha sonra “Rubin”in düşərgəsinə qatılan Abışova, bu oyunda baş məşqçi Qurban Berdıyev şans verməyib.

Qeyd edək ki, Ruslan “Rubin”in heyətində artıq bir oyunda forma geyinib. Bu, ötən ayın 21-də, Antalyada Moldova “Şerif”inə qarşı matçda baş verib.

• De Xea “Mançester Siti”yə yenə söz atdı: “Deməli, yenidən danışırıq...”
• 114 ittiham üzrə günahkar bilindi - “Mançester Siti” satıla bilər
• “Məlumatların silinməsi iddiası yalandır” - TFF-dən açıqlama
• Klubsuz qalan İkardi: “Mənim artıq hər şeyim var”
• İsmail Kartaldan çempionluq mesajı – Asensio qayıdır