Beynəlxalq Olimpiya Komitəsi (İOC) Ağır atletika üzrə 2004 Afina Olimpiya Oyunlarında bürünc medal qazanan rusiyalı Oleq Perepeçenovun mükafatını geri alacağını açıqlayıb. Apasport.az saytının məlumatına görə, buna kişilər arasında 77 kq çəki dərəcəsində mübarizə aparan idmançının qanında qadağan edilmiş maddənin (clenbuterol) aşkarlanması səbəb olub.

BOK Rusiya Olimpiya Komitəsindən Perepeçenovun qazandığı medalı yaxın günlərdə geri qaytarmasını tələb edib.

Qeyd edək ki, bürünc medalın yeni sahibi Afina Olimpiya Oyunlarında Türkiyəni təmsil edən Reyhan Arabacıoğlu olacaq. O, yarışda Oleqdən cəmdə 5 kilo az qaldıraraq 4-cü olmuşdur. Perepeçenov isə 365 kilo çəki ilə bürünc mükafatına yiyələnmişdir.

• Türkiyə futbolunda mərc skandalı - “Trabzonspor”un prezidenti də siyahıda
• “Roma” Messinin vida matçına iki futbolçusunu buraxmadı
• “Tottenhem” və “Aston Villa” 20 yaşlı argentinalının izində
• “Qalatasaray” milli fasilədə yoxlama matçı keçirəcək
• De Xea “Mançester Siti”yə yenə söz atdı: “Deməli, yenidən danışırıq...”