Bu mövsüm Türkiyə çempionu olan “Qalatasaray” transfer hazırlıqlarına surətlə başlayıb. Apasport.az saytının məlumatına görə, “Cim-Bom” Azərbaycan millisinin və “Əskişəhərspor”un müdafiəçisi Ufuk Budakın komanda yoldaşı Alper Potukla anlaşıb.

İstanbul klubunun prezidenti Ünal Aysal və “Əskişəhərspor”un rəhbəri Halil Ünal dünən gecə bir araya gələrək gənc oyunçunun transferini rəsmiləşdiriblər. Aysal Potuk üçün Əskişəhər təmsilçisinə 5,5 milyon avro və “Mersin İdmanyurdu”nda icarə əsasında çıxış edən Emmanuel Kulio və Yigit Gökoğlanı təklif edib. Halil Ünal da Aysalın bu təklifi ilə razılaşıb.

Qeyd edək ki, transfer pəncərəsi açılan kimi, “Qalatasaray” 22 yaşlı oyunçu ilə rəsmi müqavilə imzalayacaq.

• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı