“Qəbələ”nin yeni baş məşqçisi vəzifəsinə gətiriləcəyi gözlənilən Yuri Syomin Londona getməyi planlaşdırır. Apasport.az saytının məlumatına görə, Kiyev “Dinamo”sunun sabiq çalışdırıcısı mayın 25-də, “Uembli” stadionunda Çempionlar Liqasının finalını izləməyi düşünür.

66 yaşlı rusiyalı mütəxəssis Azərbaycan klubuna başçılıq edəcəyi ilə bağlı suala isə cavab verməyib: “Mən indi Çempionlar Liqasının finalını izləmək üçün Londona getməyi düşünürəm. Gələcək karyerama gəlincə, o haqda hələ ki heç nə demək istəmirəm”.

Qeyd edək ki, daha əvvəl “Qəbələ”nin Yuri Syominlə razılığa gəlindiyi və mayın 22-də rəsmi müqavilə imzalanacağı və hətta ictimaiyyətə mayın 29-da təqdim ediləcəyi bildirilmişdi.

• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi
• “Messi ilə şəkil də çəkdirə bilmədik” – Benin millisindən narazılıq
• “Liverpul” və “Roma”nın sabiq futbolçusu karyerasını başa vurdu
• Kofane “Bayer”lə danışıqları dayandırdı