Türkiyə futbolunun canlı əfsanəsi Rıdvan Dilmən “Xəzər Lənkəran”da işləyə bilərmiş. Bu barədə apasport.az saytına eksklüziv müsahibəsində Dilmənin özü məlumat verib.

O bildirib ki, bir müddət əvvəl “ağ-yaşılar”dan təklif alıb: “Hardasa 5-6 il öncə “Xəzər Lənkəran” mənə təklif göndərmişdi. Klubun sahibi Mübariz Mənsimov mənim məşqçi olmağımı istəyirdi. Amma o zaman təklifi qəbul edə bilmədim. Buna səbəb isə telekanalla müqaviləmin olması idi”.

Dilmən, həmçinin bildirib ki, əvvəllər də “Neftci”nin oyununu canlı izləyib: “Bu, Avroliqada olmuşdu. “Partizan” və “İnter”lə oyunlara baxmışam. İtaliyalılarla görüşdə Rəşad Sadiqovun vurduğu qolu yaxşı xatırlayıram”.

Xatırladaq ki, Rıdvan Dilmən hazırda Türkiyənin “NTV Spor” kanalında şərhçi işləyir.

Səbuhi TOFİQOĞLU

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi