Avropa Liqasının I təsnifat mərhələsinin yekun statistik göstəriciləri açıqlanıb. Apasport.az-ın xəbərinə görə, UEFA-nın rəsmi saytının hesablamalarında Azərbaycan təmsilçiləri arasında da fərqlənənlər var.

“Qarabağ”ın müdafiəçisi Qara Qarayev qayda pozuntularında çox irəli gedib. Belə ki, 9 dəfə fola yol verən həmyerlimiz mərhələnin 2-ci göstəricisinə şərikdir.

“Xəzər Lənkəran”ın hücumçusu Junior Nildo da fərqlənənlərdəndir. Braziliyalı 4 dəfə oyundankənar vəziyyətə düşməklə, 7-ci nəticənin şərikləri sırasındadır.

Cənub təmsilçisinin özü isə qeyri-dəqiq zərbələrdə seçilib. Lənkəran klubu 2 oyunda 22 dəfə qapıdan yan keçən zərbələr vurub. Bu göstərici Avropa Liqasında 5-cidir.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA