Türkiyədə keçirilən 20 yaşadək futbolçulardan ibarət dünya çempionatına yekun vurulub. Apasport.az saytının məlumatına görə, ötən gün aşarkeşlər 2 oyuna şahidlik edib.

Əvvəlcə III yer uğrunda matçda Qana və İraq yığmaları qarşılaşıb. Afrika təmsilçisi rəqibini 3:0 hesabı ilə məğlub edərək, turnirin bürünc mükafatına sahib olub.

İstanbulda baş tutan həlledici oyunda isə Fransa və Uruqvay milliləri üz-üzə gəlib. Görüşün əsas və əlavə vaxtı 0:0 hesabı ilə başa çatıb. Penaltilər seriyasında isə fransalılar galib gələrək, dünya çempionu adını qazanıblar.

Qeyd edək ki, Türkiyə Futbol İttifaqının dəvəti ilə AFFA-nın baş katibi Elxan Məmmədov da İstanbula gedib və o, bu qarşılaşmaları izləyib.

• “Barselona”da “Qalatasaray”la oyun öncəsi ciddi itkilər – 4 futbolçu heyətdən kənarda
• “Feyenoord”un sabiq futbolçusu vəfat edib
• Haaland PSJ-nin iki futbolçusunu fərqləndirdi – “Onları izləmək heyranedicidir”
• Ronaldodan Mbappeyə məsləhət: “Madriddə olsaydım, ona öyrədərdim”
• Günün oyunları bu kanallarda - TV AFİŞA