“Fənərbaxça” klubu “Beşiktaş”la keçiriləcək derbi matçına Əmrə Belözoğlu olmadan çıxacaq. Apasport.az yerli KİV-ə istinadən xəbər verir ki, 33 yaşlı yarımmüdafiəçi ötən günkü məşqdə zədələnib.

Klubdan verilən məlumata görə, bir epizodda ayağı qazona ilişən təcrübəli futbolçu zədələnib və məşqi yarımçıq dayandırıb. Tibbi müayinədən keçən Əmrənin mövsümün birinci yarısını qapadacağı deyilir. Sağ ayağında xəsarət alan futbolçunun artıq müayinəsinə başlanılıb və onu qış fasiləsindən sonrakı ilk oyuna qədər hazır hala gətirməyə çalışırlar.

Qeyd edək ki, Türkiyə Superliqasının XIII turundakı “Fənərbaxça” – “Beşiktaş” qarşılaşması noyabrın 30 da keçiriləcək.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı