Bu gün 17 yaşadək futbolçular arasında Avropa çempionatının 2014/15 mövsümünün seçmə mərhələsinin püşkü atılıb. Apasport.az saytının məlumatına görə, UEFA-nın İsveçrənin Nyon şəhərindəki mənzil-qərargahında baş tutan tədbirdə Azərbaycan millisinin rəqibləri də müəyyənləşib.

Püşkün nəticələrinə əsasən yığmamız X qrupa düşüb. Komandamız burada Belçika, İsveçrə, Bosniya və Herseqovina ilə mübarizə aparacaq. Oyunların harada keçiriləcəyi isə hələ dəqiqləşməyib.

Ümumilikdə isə 52 komanda 13 qrupa bölünüb. Hər qrupdan ilk 2 yeri tutanlar, həmçinin ən yaxşı nəticəyə malik 3-cü yer sahibi elit-raunda yüksələcək.

Qeyd edək ki, seçmə mərhələnin oyunları 2014-cü ilin payızında baş tutacaq.

• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər
• Batrakov İkardi və Jardelin rekordunu təkrarladı