“Qəbələ”nin futbolçusu Umar Kalabane əməliyyat olunub. Apasport.az saytının məlumatına görə, məşq zamanı zədələnən afrikalı legionerin dizindəki menisk yırtığının müalicəsi üçün cərrahi müdaxilə zəruri olub.

Cari mövsümdə cəmi 3 oyuna çıxan müdafiəçi İstanbuldakı "Acıbadem" Fulya Xəstəxanasında əməliyyat olunub. Travmotoloq-cərrah professor Ömer Taşer tərəfindən gerçəkləşdirilən əməliyyat uğurla sona çatıb. Kalabane sabah ölkəmizə dönəcək.

Onun 3 həftə sonra yaşıl meydanlara dönməsi gözlənilir. Bu isə o deməkdir ki, qvineyalı böyük ehtimalla 2013-cü ildə meydana çıxmayacaq. Çünki 3 həftədən sonra Topaz Premyer Liqasında fasilə yaranacaq.

Qeyd edək ki, Kalabane Premyer Liqada ümumilikdə 30 oyun keçirib və 2 qol vurub.

Mənbə: gabalafc.az

• Mourinyo "El-Klasiko" haqda: "Problem deyil, öhdəsindən gələcəyik”
• Mourinyo Çempionlar Liqasında tarixə düşdü
• Bruno Kerrikin taktikasını tənqid etdi, Karragerdən sərt cavab gəldi: “Biabırçılıqdır!”
• TFF Sergen Yalçının köməkçisinə veto qoydu – SƏBƏB
• Skaloni Argentina millisi ilə bağlı qərarını verdi – 2030-cu ilə qədər