"Beşiktaş" quruluşunun 122-ci ilində yeni loqosunu ictimaiyyətə təqdim edib.
Apasport.az xəbər verir ki, bu barədə klubun mətbuat xidməti məlumat yayıb.
"Beşiktaş"dan verilən açıqlamada:
"Şanlı loqomuz, klubumuzu daha yaxşı əks etdirməsi, rəqəmsal mühitdə və çap tətbiqlərində daha diqqət çəkən xətlərlə istifadə oluna bilməsi məqsədilə müasir standartları nəzərə alınaraq yenilənib.
Quruluşumuzun 122-ci ilinə həsr olunan yenilənmiş loqomuzda edilən dəyişikliklər aşağıdakılardır:
Yenilənmiş loqomuz, bu günə qədər istifadə etdiyimiz loqo ilə eyni forma üzərində çəkilib.
122 il boyu fəxrlə daşıdığımız Türk bayrağı böyüdülüb. Bayraq, künc nöqtələrinin altındakı siyahı sütunun sərhədlərinə yerləşdirilərək loqomuzla oxşar bir görünüş əldə edilib.
Loqoda yer alan Türkiyə bayrağındakı qırmızı rəng, rəsmi Türk bayrağındakı qırmızı ilə eyni tona gətirilib.
Loqonun xarici sərhədindəki qara çərçivə qalınlaşdırılıb. Ağ çərçivə ilə eyni qalınlığa gətirilən qara çərçivə daha gözə çarpan bir görünüşə sahib olub.
"B", "J" və "K" hərfləri eyni ölçüyə, "1", "9", "0" və "3" rəqəmləri isə eyni qalınlığa gətirilərək tipoqrafik uyğunluq təmin edilib."
Oxşar xəbərlər
Ana səhifə
Bütün xəbərlər