Con Duran karyerasını Rusiyada davam etdirməyə yaxındır.

Apasport.az xəbər verir ki, məxsus olduğu "Əl-Nəsr" klubundan icarə əsasında "Fənərbaxça"da çıxış edən kolumbiyalı hücumçu Türkiyəni tərk edib. Bu barədə Rusiya mətbuatı məlumat yayıb.

Mənbəyə görə, 22 yaşlı forvard "Zenit"lə razılığa gəlib. O, Sankt-Peterburq təmsilçisi ilə yeni icarə müqaviləsi imzalayacaq.

Duranın Səudiyyə Ərəbistanı klubu ilə müqaviləsi 2030-cu il iyunun 30-na qədər qüvvədədir.

Hücumçu cari mövsüm İstanbul təmsilçisinin heyətində bütün turnirlər daxil olmaqla 21 oyunda meydana çıxıb, 5 qol və 3 məhsuldar ötürmə ilə yadda qalıb.

Kolumbiyalı futbolçu daha əvvəl vətənində “Enviqado”,  ABŞ-da “Çikaqo Fayr”, İngiltərədə isə "Aston Villa" forması geyinib.

Xatırladaq ki, "Fənərbaxça"nın daha bir hücumçusu Yusuf En Nesiri qış transfer pəncərəsində komandadan ayrılaraq "Əl-İttihad"a transfer olub.

• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə
• Cek Qriliş məşqə gəlmədi – "Everton"dan sərt cəza