İngiltərənin məşhur klubları "Real Madrid"in forvardı ilə maraqlanır

01.07.2025 - 08:52

"Real Madrid"in hücumçusu Qonzalo Qarsiya İngiltərə Premyer Liqası təmsilçilərinin diqqətini çəkib.

Apasport.az xəbər verir ki, 21 yaşlı futbolçu Klublararası Dünya Çempionatında qrup mərhələsinin 3 oyununda 2 qol vurub və 1 məhsuldar ötürmə ilə adından söz etdirib.

İngiltərənin üç aparıcı klubu Qarsiyanı öz sıralarına cəlb etmək istəyir. Konkret adlar hələ açıqlanmayıb, lakin futbolçunun özünün getmək istəmədiyi artıq məlumdur.

Qonzalo Qarsiyanın müqaviləsində 50 milyon avroluq sərbəst qalma maddəsi var. "Transfermarkt" forvardın dəyərini 8 milyon avro olaraq qiymətləndirir.