“Qalatasaray” UEFA Çempionlar Liqasının altıncı turu çərçivəsində sabah səfərdə Fransa Liqa 1 təmsilçisi “Monako” ilə üz-üzə gələcək.

Apasport.az xəbər verir ki, "sarı-qırmızılı"lar bu vacib qarşılaşmaya ciddi itkilərlə çıxacaq.

İstanbul təmsilçisinin 6 futbolçusu müxtəlif səbəblərdən “Monako” ilə oyunda forma geyinə bilməyəcək.

Zədəli olan Vilfrid Sinqo və Kaan Ayhan, “Yunion Sent-Julliaz” matçında qırmızı vərəqə alan Arda Ünyay, Türkiyədə mərc araşdırması çərçivəsində cəzalanan Eren Elmalı və Metehan Baltacı sabahkı görüşü buraxacaqlar.

Bundan əlavə, UEFA-nın iştirak üçün təqdim etdiyi siyahıya daxil edilməyən Kazımcan Karataş da matçda oynaya bilməyəcək.

Super Liqanın 15-ci turunda “Samsunspor”la oyunda zədələnən Mario Lemina ilə bağlı isə yekun qərar bugünkü məşqdən sonra veriləcək.

Qeyd edək ki, "Monako" - "Qalatasaray" görüşü 10 dekabr saat 00:00-da start götürəcək. 

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə