“Qəbələ” bu gün Premyer Liqanın XXVI turunun “Bakı” ilə səfər matçı üçün paytaxta gəlib. Apasport.az saytının məlumatına görə, bölgə təmsilçisi “zolaqlılar”la görüşün son hazırlıqlarını sabah Bakıda keçəcək.

Ancaq komanda bazar günü saat 14:00-da başlayacaq görüşdən sonra da paytaxtı tərk etməyəcək. Çünki Yuri Syominin yetirmələri martın 19-da “Qarabağ”la kubok matçına çıxacaq. Buna kimi isə “Qəbələ” Bakıdakı “Qafqaz City” otelində məskunlaşacaq.