“Lənkərandakı qarşılaşmadan sonra müdafiə xəttində ciddi problemlərimiz yarandı. Aparıcı oyunçuların yoxluğunu hiss etdirməmək çox çətindir”. Apasport.az saytının məlumatına görə, bu sözləri “Neftçi”nin baş məşqçisi Böyükağa Hacıyev deyib.

“Ağ-qaralar”ın təcrübəli çalışdırıcısı Topaz Premyer Liqasının XXIV turunun “Qarabağ”la oyunundakı 1:4 hesablı darmadağına şərh verib: “Araz Abdullayevə niyə qırmızı vərəqə verdilər. Xaqani Məmmədov hakimliyin səviyyəsindən danışır. Bəs hanı həmin səviyyə? “Neftçi”ni belə, uduzan komanda kimi görmək istəyirlər. Komandamızı 6-7-ci yerlərdə görmək istəyirlər. “Qarabağ”ı qələbə münasibətilə təbrik edirəm. Qoy çempion olub. Avrokuboklarda “Neftçi”nin imza atdığı uğurları təkrarlasın”.