“Filippin millisinə çağırılmağımla fəxr edirəm. Malayziya və Azərbaycanla qarşılaşmalarda bu ölkəni təmsil edəcəyim məni çox sevindirir”. Apasport.az saytının məlumatına görə, bu sözləri Filippin yığmasının futbolçusu Martin Steubl deyib.

26 yaşlı isveçrəli yarımmüdafiəçi bu yaxınlarda Asiya təmsilçisinin şərəfini qorumağa qərar verib.

Anasının vətənini təmsil edəcək Martin martın 1-də Kuala-Lumpurda Malayziya, 4 gün sonra Dubayda Azərbaycanla qarşılaşacaq Filippin yığmasına çağırılan 22 nəfərlik heyətdə yer alıb. Steubl özü üçün yeni komandada debütü haqda danışıb: “Bu görüşləri səbirsizliklə gözləyirəm. Çünki yığmada ilk rəsmi oyunum olacaq. Təlim-məşq toplanışında bu komandanın formasını geydim. Kuala-Lumpur və Dubayda yenidən bu hissələri yaşamaq imkanı əldə etdiyim üçün şadam. Hələ ki, məşqçimizdən çox şey öyrənməliyik. Düşünürəm ki, doğru yolla irəliləyirik”.

Qeyd edək ki, İsveçrə “Qrasshoppers”inin yetirməsi olan Martin bu ölkənin aşağı dəstə klubu “Vil”də çıxış edir.

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə