“Milan”ın ulduz futbolçusu Kaka cari mövsümdəki çıxışlarını dəyərləndirib. Apasport.az saytının məlumatına görə, yerli mətbuata danışan 31 yaşlı yarımmüdafiəçi hazırda İtaliya A Seriyasında topladıqları xalların heç də ürəkaçan olmadığını, ancaq yeni baş məşqçi Klarens Zeedorfun gəlişindən sonra komandanın toparlandığını deyib.

Braziliyalı futbolçu avrokuboklara düşmək şanslarını itirmədiklərini bildirib: “Hesab edirəm ki, biz mövsümün sonunda avrokuboklara düşəcək yerdə olacağıq. Amma indi biz ancaq oyunlarımıza köklənməliyik. Gün keçdikcə daha yaxşı oynayırıq. Əgər hər şey yaxşı olsa, nəticələrimiz də yaxşılaşacaq. Zeedorfun özünəməxsus fəlsəfəsi var. Onun üslubundan xoşum gəlir. O, son bir neçə oyunda nəyə qadir olduğunu göstərdi”.

Qeyd edək ki, “rassionerlər” hazırda 25 turdan sonra İtaliya  A Seriyasında 35 xalla turnir cədvəlinin 9-cu pilləsində qərarlaşır.

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə