Yığmamızın ABŞ millisi ilə keçirəcəyi yoldaşlıq oyununun vaxtına aydınlıq gəlib. Apasport.az saytının məlumatına görə, milli komandamız hazırda dünyanın 13-cü güclü yığması olan amerikanlarla yerli vaxtla saat 19:00-da üz-üzə gələcək.

Kaliforniya ştatının San-Fransisko şəhəri isə ABŞ-ın qərbində yerləşdiyindən, bizim ölkə ilə bu şəhər arasında olan saat fərqi 13-ə bərabərdir. Yəni ABŞ-la oyun yerli vaxtla mayın 27-də keçirilsə də, bizim saatla bu görüş Respublika gününün səhəri baş tutacaq. Bir sözlə, qarşılaşma Bakı vaxtı ilə mayın 28-i saat 08:00-da başlayacaq.

Qeyd edək ki, oyun “Kandlstik Park” stadionunda keçiriləcək. 69 732 tamaşaçı tutumuna malik olan arena inşa edildiyi 1960-cı ildən 2000-ci ilə kimi “San-Fransisko Cayents” beysbol komandasının ev oyunlarını keçirdiyi məkan olub.