21 yaşadək futbolçulardan ibarət yığmamızın üzvü olan Ərən Taşkın “Fortuna”nın U-23 komandasında növbəti oyununu keçirib. Apasport.az saytının məlumatına görə, onun komandası Düsseldorfda “Şportfroynde” klubunu qonaq edib.

Görüş qolsuz heç-heçə ilə başa çatıb. Bu görüşdə Taşkın yenə start heyətində meydanda olub və matçı əvəz olunmadan keçirib.

Qeyd edək ki, ardıcıl 4 turdur ki, qələbə qazana bilməyən “Fortuna”nın II komandası bu nəticədən sonra Regionalliqanın “Qərb” zonasında 39 xalla VI pillədə qərarlaşıb.