Martın 5-də Azərbaycan millisi ilə yoldaşlıq oyunu keçirəcək Filippin yığması itki ilə üzləşib. Apasport.az saytının məlumatına görə, Asiya təmsilçisinin 2 futbolçusu millidən kənar düşüb.

Belə ki, Neyl Etteric və Pol Malders zədələndiyi üçün martın 1-də Malayziya, 4 gün sonra Azərbaycanla qarşılaşacaq yığmanın heyətindən çıxarılacaq. İngiltərə “Fulhem”indən “Kryu”ya keçən Etteric yeni komandasındakı ilk matçında zədələnib. Qapıçının nə vaxt meydana qayıdacağı dəqiqləşməyib. Malders isə Hollandiya “Kambur”una mövsümün sonunadək kömək edə bilməyəcək.