“Nəticədən razı deyiləm”. Apasport.az saytının məlumatına görə, bu sözləri “Çelsi”nin baş məşqçisi Joze Mourinyo “Qalatasaray”la oyundan sonra keçirilən mətbuat konfransında deyib.

Portuqaliyalı mütəxəssis Çempionlar Liqasında 1/8 final mərhələsinin ilk görüşündəki 1:1 hesablı heç-heçəni dəyərləndirib.

Mourinyo bərabərliyin ədalətli olmadığını deyib: “Ədalətli nəticə deyil. Xüsusilə, birinci hissədə çox güclü idik. Qol şansları əldə etdik, amma reallaşdıra bilmədik. İkinci hissədə “Qalatasaray” çox güclü idi və qol vurmağı da haqq etdilər. Üzərimizdə basqı yaratdılar və bu da nəticəyə təsir etdi”.

Təcrübəli çalışdırıcı müdafiəyə üstünlük verdiklərini də bildirib: “Droqba və Sneyder üçün çətin oyun oldu. Qapalı oyun nümayiş etdirdik. Ancaq küncdən zərbədə səhvə yol verdik. Bundan əlavə, ümumi olaraq yaxşı idik. Bəzi futbolçularımın problemləri vardı deyə start heyətdə onlara şans vermədim. Meydandakı boş yerləri dəyərləndirəcək futbolçularım birinci hissədə yaxşı idilər. Ancaq ikinci hissədə bu belə olmadı”.

• “Fənərbaxça”nın sükanı keçmiş ulduzuna həvalə edildi – RƏSMİ
• Sergen Yalçınla futbolçular arasında problem var? – TFF-dən ikinci açıqlama
• "Fənərbaxça"dan Messiyə fantastik təklif – İllik 50 milyon avro!
• İkardi “İnter”ə qayıtmaq istəyir – “Bu hekayə bitməyib”
• Derbinin cəzaları açıqlandı – “Qalatasaray” və “Fənərbaxça”ya ağır zərbə