Milli komandamızın hücumçusu Cihan Özkaranın şərəfini qoruduğu “Sivasspor” Superliqanın XXII turunda səfərdə gözlənilmədən “Kasımpaşa” tərəfindən darmadağın olunub. Apasport.az saytının məlumatına görə, bu darmadağının canlı şahidlərindən biri də Özkara olub.

O, 2:6 hesabı ilə komandasının yenildiyi matça 77-ci dəqiqədə daxil olub. Futbolçumuz Kadir Bəkməzcini əvəzləyib. Cihan meydana daxil olanda hesab artıq 2:5 olub.

Qeyd edək ki, bu məğlubiyyətdən sonra “Sivasspor”un ilk “3-lüy”ə düşməsi bir qədər də çətinləşib. Çünki 36 xalla IV pillədə olan Sivas təmsilçisi ilə “Beşiktaş” arasında olan xal fərqi 6 olaraq qalıb.