Azərbaycan millisinin martın 5-də keçiriləcək yoxlama oyunundakı rəqibi Filippin yığması FİFA reytinqində xal itirib. Apasport.az saytının məlumatına görə, Asiya təmsilçisi Malayziya ilə qolsuz heç-heçə etməsi ilə geri düşüb.

Belə ki, bu bərabərlik 43 xalla qiymətləndirilib. Nəticədə FİFA reytinqindəki xalı 219-a bərabər olan Tomas Dulinin yetirmələri 8 xal itirib. Hazırda yığmamızın rəqibinin 211 xalı var.

Qeyd edək ki, Filippin son FİFA reytinqində 127-ci yerdə qərarlaşmışdı.