Bakı. Elşən Məmmədov - APA-Sport. Maştağa Olimpiya Kompleksində keçirilən sumo üzrə Azərbaycan çempionatının qalibləri müəyyənləşib. Bu haqda «APA-Sport» agentliyinə yarışın baş hakimi, milli komandamızın baş məşqçisi Rüfət İsmayılov məlumat verib. Onun sözlərinə kiçik yeniyetmələr, yeniyetmələr, gənclər və böyüklər arasında təşkil olunan ölkə birinciliyinə 100-dən çox idmançı qatılıb. Sumoçular Bakı, Sumqayıt, Şamaxı, Siyəzən, Ağstafa, Tovuz, Sumqayıt və Zaqatalanın ümumilikdə 14 klubunun təmsilçiləri olublar. Gülmirzə Süleymanov (55 kq), Əmrah Əmrahov (75 kq), Asim Əlişanlı (+90 kq) kiçik yeniyetmələrin, İnqilab Məmmədov (60 kq), Tural Novruzov (80 kq), Sadiq Əhmədov (100 kq), Səttar Hüseynov (+100 kq) yeniyetmələrin, Emil Həsənov (65 kq), Teymur Əhmədov (85 kq), Rafael Şahverdiyev (115 kq), Seymur Əliyev (+115 kq) gənclərin, Səlim Ələkbərov (85 kq), Rəşad Bağıyev (115 kq) və Nizami Qafarov (+115 kq) kişilərin mübarizəsində qalib adını qazanıblar. N.Qafarov həm də mütləq çəkidə birinci yeri tutub.

• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub
• Azərbaycan çempionatının finalı Xankəndidə keçiriləcək
• Üç idmançımız dopinqə görə cəzalandırılıb
• “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qalibləri mükafatlandırılıb - FOTO