Bakı. Elşən Məmmədov-APA-Sport. Azərbaycanın kişi və qadınlardan ibarət karate yığmaları aprelin 12-də Türkiyənin İstanbul şəhərində start götürəcək beynəlxalq «Bosfor» turnirinə qatılacaqlar. Karate Federasiyasının mətbuat xidmətindən «APA-Sport» agentliyinə verilən məlumata görə, iki gün davam edəcək yarış gənclər və böyüklər arasında təşkil olunacaq. Lakin turnirə böyüklərdən ibarət komandamız aparılacaq. Federasiya rəhbərliyi mayın 2-də Estoniyanın paytaxtı Tallində start götürəcək kişi və qadınlar arasında Avropa çempionatı ilə əlaqədar «Bosfor» turnirində yalnız böüykləri sınamaq qərarına gəlib. Turnirdəki çıxışlarına əsasən, üç gün davam edəcək qitə birinciliyinə yollanacaq karateçilərimizin heyəti məlum olacaq.

• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub
• Azərbaycan çempionatının finalı Xankəndidə keçiriləcək
• Üç idmançımız dopinqə görə cəzalandırılıb
• “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qalibləri mükafatlandırılıb - FOTO