Bakı. Kənan Həsənov – APA-Sport. Beynəlxalq Qılıncoynatma Federasiyası yeni reytinq cədvəlini açıqlayıb. “APA-Sport” agentliyinin məlumatına görə, siyahıda yer alan Azərbaycanın sablya üzrə milli komandasının üzvlərinin mövqeyində dəyişiklik olub. Təmsilçilərimizdən ən yaxşı göstərici Janna Muradqızına məxsusdur. Xallarının sayını 22-yə çatdıran rusiyalı legioner 12 pillə irəliləyərək 90-cı sıraya yüksəlib. Millimizin digər üzvlərindən, Səbinə Əmrahzadə (16 xal) 13 pillə irəliləyib və hazırda 111-ci yeri tutur. Otuz bir pillə irəliləyən Sevil Bünyatova (10 xal) 137-ci, mövqeyini qoruyan Aidə Ələsgərova (4 xal) 189-cu pillədə qərarlaşıb. Milli komandamızın mövqeyində də dəyişiklik qeydə alınıb. Hesabında 148 xal olan yığmamız bir pillə irəliləyərək 15-ci sıraya yüksəlib.

• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub
• Azərbaycan çempionatının finalı Xankəndidə keçiriləcək
• Üç idmançımız dopinqə görə cəzalandırılıb
• “Fövqəladə hallar uşaqların gözü ilə” XII Respublika uşaq yaradıcılıq müsabiqəsinin qalibləri mükafatlandırılıb - FOTO