Bakı. Aqşin Əliyev-APA-Sport. Rusiyanın Sankt-Peterburq şəhərində Sovet İttifaqı Qəhrəmanı V.Y.Petrovun xatirəsinə həsr olunmuş yeniyetmə cüdoçulardan ibarət komandalar arasında 35-ci beynəlxalq turnir keçirilib. “APA-Sport” agentliyinin məlumatına görə, Azərbaycan yığmasının da mübarizə apardığı yarışda 16 kollektiv 4 qrupda mübarizə aparıb. Milli komandamız qrup mərhələsində Finlandiya və Rusiya Mərkəzi Federal dairəsinə qalib gəlib. Son görüşdə Rusiya-1 komandasına uduzmasına baxmayaraq, yığmamız qrupda ikinci yeri tutaraq, 1/4 finala yüksəliblər. Lakin cüdoçularımız mübarizəni erkən dayandırıblar. Həmvətənlərimizin yarımfinala gedən yolunu yaponiyalılar kəsiblər. Asiya təmsilçisinə 3:4 hesabı ilə məğlub olan milli komandamızın üzvləri fəxri kürsüyə yüksələ bilməyiblər.

• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək