Bakı. Kənan Həsənov-APA-SPORT. Azərbaycanlı peşəkar boksçu Əli İsmayılov Rusiyaya yollanıb. “APA-Sport” agentliyinin məlumatına görə, WBO Latino versiyası üzrə “qızıl kəmər”in sahibi olan həmyerlimiz aprelin 3-də Sankt-Peterburq şəhərində növbəti döyüşünə çıxacaq. Peşəkar rinqdə keçirdiyi 13 döyüşün 11-də (8 nokaut) qələbə qazanan, bir görüşdə uduzan və bir dəfə heç-heçə edən 34 yaşlı boksçumuzun rəqibi braziliyalı həmyaşıdı Daniel Bispo olacaq. Səkkiz raunddan ibarət görüş reytinq xarakterlidir. D.Bispo indiyədək keçirdiyi 28 görüşün 20-də (14 nokaut) qələbə qazanıb, 8 dəfə məğlub olub.

• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub
• Azərbaycan çempionatının finalı Xankəndidə keçiriləcək