Bakı. Aqşin Əliyev-APA-Sport. Pauerliftinq və benç-press üzrə gənclər arasında növbəti Azərbaycan çempionatı Şamaxıda keçiriləcək. Bu haqda “APA-Sport” agentliyinə Azərbaycan Pauerliftinq Federasiyasının prezidenti Ələddin Əliyev məlumat verib. Onun sözlərinə görə, yarışın Bakıda deyil, Şamaxıda təşkil olunmasının obyektiv səbəbi var: “Məsələ burasındadır ki, indiyədək əksər turnirləri paytaxtda keçirmişik. Ancaq bu idman növünü regionlarda da yaymaq, geniş təbliğat aparmaq olduqca vacibdir. Bu məqsədlə ölkə çempionatını Şamaxıda keçirmək qərarına gəldik”. Ə.Əliyev bildirib ki, əsas milli komandanın bəzi üzvləri də çempionatda müsabiqədən kənar qüvvələrini sınayacaqlar. Aprelin 5-də Şamaxı Olimpiya Kompleksində start götürəcək turnir iki gün davam edəcək.

• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub