Bakı. Aqşin Əliyev-APA-Sport. Aprelin 12-dən 20-dək Bakıda qadınlardan ibarət otüstü hokkey yığmaları arasında təşkil olunacaq lisenziya xarakterli beynəlxalq turnirin oyunlarını idarə edəcək hakimlər müəyyənləşib. Azərbaycan Otüstü Hokkey Federasiyasının mətbuat katibi Yaqub Nuriyevin “APA-Sport” agentliyinə verdiyi məlumata görə, yarışa 4 müxtəlif qitədə yerləşən 7 ölkədən hakim təyin olunub. Belə ki, qarşıdakı matçlar Hollandiya, Avstriya, Cəbəllütariq, İrlandiya, Çin, Cənubi Afrika Respublikası və Argentinadan olan hakimlərə tapşırılıb. Beynəlxalq Otüstü Hokkey Federasiyasının rəhbərliyi məhz obyektivliyi qorumaq məqsədilə yarışa qatılacaq ölkələrin hakimlərinə dəvət göndərməyib.
Qeyd edək ki, turnirdə Azərbaycan, İspaniya, Ukrayna, Belarus, Çili və Keniya milli komandaları olimpiadaya yeganə vəsiqə uğrunda mübarizə aparacaqlar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”