Tampere. Elşən Məmmədov-APA-Sport. Avropa Güləş Komitələri Assosiasiyası (CELA) bu ildən etibarən yunan-Roma və sərbəst güləş üzrə klublararası Avropa Kuboku turniri keçiriləcək. “APA-Sport” agentliyinin məlumatına görə, yunan-Roma güləşi üzrə yarışlar 30 maydan 15 iyunadək, sərbəst güləşçilərin mübarizəsi isə 7 noyabrdan 14 dekabradək baş tutacaq. Hər iki növ üzrə iştirakçı klublar iki qrupda mübarizə aparacaqlar. Həm yunan-Roma, həm də sərbəst güləş növlərində Azərbaycanı təmsil edəcək klublar A qrupunda yer alacaqlar. Yunan-Roma güləşində təmsilçimiz Rusiya, Ukrayna, Türkiyə, İsveç və Belarus, sərbəst güləşdə Rusiya, Ukrayna, Türkiyə, Belarus və Gürcüstan klubları ilə rəqib olacaq. Avropanın qalan milli federasiyalarına isə B qrupunda təmsil olunmaq üçün dəvət göndəriləcək. A qrupunun qalibi 2008-ci ilin klublararası Avropa çempionu tituluna sahib çıxacaq. Sonuncu iki yeri tutanları isə növbəti ildən B qrupunda ilk iki pillənin sahibləri əvəzləyəcək. Görüşlər seçmə və final mərhələlərindən ibarət olacaq. Turnirin keçiriləcəyi məkan CELA tərəfindən müəyyənləşdiriləcək.

• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub