Elista. Elşən Məmmədov-APA-Sport. Azərbaycanın stolüstü tennis üzrə gənc oğlan və qızlardan ibarət yığma komandaları Rusiyanın Elista şəhərində Kalmıkiya Respublikasının prezidenti Kirsan İlyumjinovun şərəfinə keçirilən turnirdə mübarizə aparıblar. Bu haqda «APA-Sport» agentliyinə yığma komandamızın məşqçisi Fərhad İsmayılov məlumat verib. Onun sözlərinə görə, yarışa Rusiyanın 8 şəhərinin təmsilçiləri də qatılıblar. Stolüstü tennisçilər şəxsi, qoşa, qarışıq və komanda yarışlarında qüvvələrini sınayıblar. Tərkibində İlkin Sevindikzadə, Orxan Qurbanov və Rüstəm Əliyevin yer aldığı oğlanlardan ibarət komandamız 2-ci yeri tutub. Qadınların mübarizəsində Suğra Talıbova, Fatimə Hüseynova və Nuranə Həmzəyeva ilə təmsil olunan yığmamız isə 6-cı yerlə kifayətlənib. Şəxsi yarışlarda 13-15 yaşlılar arasında R.Əliyev I, İ.Sevindikzadə II olub. O.Qurbanov isə 12 yaşadək oğlanlar arasında II yeri tutub. Lakin qızların fərdi mübarizəsində mükafatçılar sırasına düşən olmayıb. R.Əliyev – İ.Sevindikzadə dueti qoşa yarışlarda I, R.Əliyev – F.Hüseynova cütü isə qarışıq qoşa mübarizədə III yeri tutub.

• Üzgüçülərimiz Estoniyada 22 medal qazanıb
• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"