La Vella. Mehman Süleymanov – APA-Sport. Azərbaycanın 21 yaşlılardan ibarət futzal yığması Avropa çempionatının seçmə qrup mərhələsində ilk məğlubiyyətini alıb. “APA-Sport” agentliyinin məlumatına görə, Hacıbala Abdullayevin çalışdırdığı komandamız Andorrada keçirilən yarış çərçivəsində qrupda keçirdiyi ikinci görüşündə Hollandiya yığmasına böyük hesabla uduzub – 2:8. Bununla da futzal yığmamız dekabrda Rusiyanın Sankt-Peterburq şəhərində keçiriləcək final mərhələsində iştirak etmək şansını itirib. Final mərhələsinə yalnız qrup qalibi çıxır ki, Hollandiya yığmamızı yenməklə yeganə vəsiqəyə əsas namizəd sayılır. Qrupda keçirilən digər oyunda meydan sahibləri İrlandiyanı 2:1 hesabı ilə məğlub edib. Yığmamız sonuncu görüşünü sabah qrup autsayderi İrlandiya ilə keçirəcək.

• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək