Roma. Elşən Məmmədov-APA-Sport. İtaliyanın paytaxtı Romada keçirilən Avropa çempionatında bu gün Azərbaycanın daha 3 taekvondoçusu mübarizəyə qoşulub. “APA-Sport” agentliyinin məlumatına görə, idmançılarımızdan yalnız Rövşən Məmmədov (62 kq) turnirə qələbə ilə başlayıb. O, ilk görüşündə Şimal Yusifi (Finlandiya) məğlub edib – 3:1. R.Məmmədov növbəti döyüşünü Xose Luis Mendes Ximenesə (İspaniya) qarşı keçirəcək. Digər taekvondoçularımıza gəlincə, Vüqar Kərimov (54 kq) startdaca İvan Zrinuçisə (Bosniya və Herseqovina) 0:1 hesabı ilə uduzaraq, mübarizəni dayandırıb. Qadınların mübarizəsində Yelena Abbasova (67 kq) da eyni aqibətlə üzləşib. Onun qarşısını isə Petra Matiyseviç (Xorvatiya) kəsib – 2:6.
Qeyd edək ki, yarışların ilk günü bütün rəqiblərini məğlub edən həmyerlimiz Elnur Amanov qızıl medala sahib çıxıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”