“APA-Sport” agentliyinin məlumatına görə, bədii hissədə yarışa qatılan ölkələrin milli rəqslərindən ibarət proqram nümayiş etdirilib. Ardından turnirin rəsmi hissəsi başlanıb. Əvvəlcə meydana yarış iştirakçıları - Azərbaycan, Ukrayna, Çili, Keniya, Belarus və İspaniya milli komandaları dəvət olunublar. Hokkeyçilər qarşısında çıxış edən Azərbaycan gənclər və idman nazirinin müavini İsmayıl İsmayılov onları salamlayıb və uğurlar arzulayıb. Otüstü Hokkey Federasiyasının vitse-prezidenti Namiq Əliyev isə çıxışında idmanımızın bütün sahələrdə irəliləyişə nail olduğunu bildirib. Bakıda otüstü hokkey üzrə bir neçə mötəbər turnirin keçirildiyini xatırladan federasiya rəsmisi milli komandamızın yeganə lisenziyanı qazanmaqla, ölkəmizə sevinc bəxş edə biləcəyini söyləyib. Beynəlxalq Otüstü Hokkey Federasiyasının nümayəndəsi Annabel Dion isə yarışın yüksək səviyyədə keçiriləcəyinə inandığını bildirməklə yanaşı, ən güclü komandanın yeganə lisenziyaya sahib çıxmasını arzulayıb.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”