Bakı. Elşən Məmmədov-APA-Sport. Azərbaycanın akademik avarçəkmə üzrə yığma komandasına yeni idmançılar cəlb olunub. “APA-Sport” agentliyinin məlumatına görə, Bakı şəhərinin müxtəlif klublarının tərkibində məşğul olan avarçəkənlərdən 8-i aprelin 20-də Mingəçevir şəhərinə təlim-məşq toplantısına aparılacaq. Onlar Aleksandr Maksimov, Nicat Mehdiyev, Telman Həbibli, Turqay Məmmədov, Sərxan Hüseynov, Xəyal Zülfüqarov, Orxan Kərimov və Kamil Quliyev olacaq. Yeni idmançılar, həmçinin mayın 9-da start götürəcək Azərbaycan çempionatına da qatılacaqlar. Həmin vaxt əsas yığmamız Rusiyanın Rostov şəhərində keçiriləcək beynəlxalq «Don» reqatasında mübarizə aparacağından, toplanışa bir həftə sonra qoşulacaq. «Kür» Təlim-Tədris Mərkəzində keçiriləcək hazırlıq prosesi 20 gün davam edəcək.

• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək