Bakı. Elşən Məmmədov-APA-Sport. Azərbaycan badmintonçuları Hollandiyanın Vateringen şəhərində keçiriləcək beynəlxalq turnirə qatılacaqlar. Bu haqda «APA-Sport» agentliyinə Badminton Federasiyasının baş katibi Mirzə Orucov məlumat verib. Onun sözlərinə görə, aprelin 24-də start götürəcək turnirdə Orxan Qələndərov və Kərim Musayev qüvvəsini sınayacaq. Badmintonçularımız yarışa baş məşqçi Cavanşir Əlizadənin rəhbərliyi altında yollanacaqlar. Ümumi mükafat fondu 15 min dollar olacaq turnirdə O.Qələndərov və K.Musayev həm fərdi, həm də qoşa mübarizədə iştirak edəcəklər. Dörd gün davam edəcək yarışda 20-dən çox ölkənin 65 badmintonçusu yer alacaq.

• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək