Bakı. Kənan Həsənov – APA-Sport. Azərbaycan Şahmat Federasiyasının vitse-prezidenti Faiq Həsənov aprelin 21-də Bakıda start götürəcək Qran-Pri turnirinin baş hakimi olacaq. Bu haqda “APA-Sport” agentliyinə federasiyanın mətbuat katibi Tural Baxışov məlumat verib. Onun sözlərinə görə, F.Həsənovun köməkçilərinin adları yaxın günlərdə bəlli olacaq. Qran-Pri turnirinin birinci mərhələsində Azərbaycan milli komandasının üzvləri, Teymur Rəcəbov, Şəhriyar Məmmədyarov və Vüqar Həşimovla yanaşı, Qata Kamski (ABŞ), Ruslan Ponomaryov (Ukrayna), Ernesto İnarkiyev (Rusiya), Pyotr Svidler (Rusiya), Maqnus Karlsen (Norveç), Sergey Karyakin (Ukrayna), Maykl Adams (İngiltərə), İvan Çeparinov (Bolqarıstan), Aleksandr Qrişuk (Rusiya), Etyen Bakro (Fransa), Vanq Yu (Çin) və David Navara (Çexiya) iştirak edəcək. Dairəvi sistemlə keçiriləcək turnirə mayın 6-da yekun vurulacaq.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib