Bakı. Kənan Həsənov-APA-Sport. Azərbaycanın basketbol üzrə milli komandasının lideri Aleksandr Rındinin şərəfini qoruduğu “Ural-Qreyt-2” klubu Rusiya çempionatında növbəti oyununu keçirib. “APA-Sport” agentliyinin məlumatına görə, permlilər Moskvada yerli “ÇSKA-Trinta” klubu ilə qarşılaşıb. Görüş “Ural-Qreyt-2”nin 83:77 hesablı qələbəsi ilə başa çatıb. Əsas heyətdə mübarizə aparan və 17 xal toplayan A.Rındin komandasının ən məhsuldar basketbolçularından biri olub. Tərəflər arasında ikinci oyun bu gün baş tutacaq. Keçirdiyi 45-ci oyunda 35-ci qələbəsini qazanan “Ural-Qreyt-2” klubu 80 xalla turnir cədvəlinin ikinci pilləsində qərarlaşıb.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib