Bakı. Kənan Həsənov – APA-Sport. Azərbaycanın basketbol üzrə milli komandası bu gündən Zaqatalada təlim-məşq toplanışına başlayıb. Bu haqda “APA-Sport” agentliyinə yığmanın baş məşqçisi Elxan Əliyev məlumat verib. Onun sözlərinə görə, hazırlıq prosesi aprelin sonunadək nəzərdə tutulub. Yığmanın kapitanı Tahir Baxşıyevlə, Anar Sarıyev hazırda Bakıda fərdi proqram üzrə məşq edirlər. Rusiya çempionatında “Ural-Qreyt” klubunun şərəfini qoruyan Aleksandr Rındin isə aprelin 26-da komandaya qoşulacaq.
Qeyd edək ki, millimiz iyunun 17-dən 22-dək Şotlandiya təşkil olunacaq Avropa çempionatının C divizionunda mübarizə aparacaq. Bu yarışda komandamızın rəqibləri qismində meydan sahibləri ilə yanaşı, Moldova, San-Marino, Cəbəllüttariq, Andorra, Uels və Malta yığmaları çıxış edəcək.

• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib
• Azərbaycanın trek yığması Avropa çempionatında iştirak edəcək