Bakı. Elşən Məmmədov-APA-Sport. Bakı Olimpiya Kompleksində keçirilən kişilər və qadınlar arasında stolüstü tennis üzrə Azərbaycan çempionatına yekun vurulub. Yarışın baş hakimi Aleksandr Zudovun “APA-Sport” agentliyinə verdiyi məlumata görə, ölkə birinciliyində 130-dək tennisçi fərdi, qoşa, qarışıq və komanda yarışlarında qüvvəsini sınayıb. Fərdi mübarizədə kişilərdən Ramil Cəfərov, qadınlardan isə Roza Moiseyeva birinci yeri tutub. Kişilərin qoşa yarışında Fərhad İsmayılov – Vaqif Məmmədov, qadınlardan isə Rüfət Quliyeva - Leyla Şirvani dueti fərqlənib. Qarışıq mübarizədə Əli Bayramov – Rüfət Quliyeva cütü hamıdan güclü olub. Ümumi komanda hesabında isə həm kişi, həm də qadınların yarışında “Təhsil” İdman Cəmiyyəti ən yüksək nəticə göstərib.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib