Bakı. Aqşin Əliyev - APA-Sport. Almaniyanın paytaxtı Berlində gənclər arasında keçirilən dama üzrə dünya çempionatına yekun vurulub. “APA-Sport” agentliyinin məlumatına görə, yarışda Azərbaycanın şərəfini Elşən Zeynalov və Məhəmməd Mehdiyev qoruyub. İki mərhələdən ibarət turnirdə həmyerlilərimiz medalsız qalıblar. Birinci mərhələdə 7 xal toplayan E.Zeynalov 9-cu olub. M.Mehdiyev isə bundan bir xal az yığdığı üçün 11-ci sırada qərarlaşıb. Reqlamentə əsasən, damaçılarımız ikinci mərhələdə 9-12-ci yerlər uğrunda mübarizə aparıblar. Püşk iki təmsilçimizi E.Zeynalovla M.Mehdiyevi üz-üzə gətirib. İki oyunun cəmində 1:1 hesabı qeydə alınsa da, aktivində daha çox xal olan E.Zeynalov qalib elan olunub. Daha sonra o, 9-cu yer uğrunda latviyalı Martins Yankareslə qarşılaşıb və bu oyunlar da heç-heçə başa çatıb. Amma M.Yankaresin ilkin mərhələdə damaçımızdan 1 xal çox toplaması onun ümumi hesabda qələbə qazanmasına imkan verib. M.Mehdiyev isə Ənvər Amonovu (Özbəkistan) üstələyib. Yekunda E.Zeynalov 16 nəfər arasında 10-cu, M.Mehdiyev isə 11-ci pilləyə sahib çıxıb.

• Trek velosipedi üzrə mövsümün bağlanış yarışı keçirilib
• Paralimpiyaçılarımız beynəlxalq turnirdə çıxış edəcəklər
• Dağ velosipedi üzrə ölkə çempionatına yekun vurulub - FOTO
• Badmintonçumuz beynəlxalq turnirdə bürünc medal qazanıb
• Paralimpiyaçılarımız 2025-ci ildə 51 medal qazanıblar