Bakı. Elşən Məmmədov-APA-Sport. Mayın 2-də Polşanın paytaxtı Varşavada start götürəcək sərbəst güləş üzrə 2008-ci il Pekin Yay Olimpiya Oyunlarına son lisenziya turnirində Azərbaycan bir idmançı ilə təmsil olunacaq. Bu haqda “APA-Sport” agentliyinə millimizin baş məşqçisi Maqomedxan Aratsilov məlumat verib. Onun sözlərinə görə, səbəb əvvəlki lisenziya yarışlarında 7 mümkün çəkidən 6-da pəhləvanlarımızın Pekin Olimpiadasına lisenziyanı təmin etməsidir. Varşavada indiyədək bu çəkilərdən hər hansında Olimpiya Oyunlarında iştirak hüququna yiyələnməyən ölkələrin idmançıları mübarizə aparacaqlar. İndiyədək yalnız 120 kq-da Azərbaycanın aktivinə lisenziya yazılmayıb. Həmin çəkidə lisenziya xarakterli dünya və Avropa çempionatları, eləcə də az öncə İsveçrənin Martini şəhərində başa çatan I təsnifat turnirində mübarizə aparmış Əli İsayev Pekinə vəsiqəni təmin edə bilməyib. Bununla belə, M.Aratsilov Varşavada da Ə.İsayevə şans verəcəyini bildirib.

• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib