Bakı. Kənan Həsənov – APA-Sport. Azərbaycanın boks üzrə milli komandası Qazaxıstanın paytaxtı Astanada təlim-məşq toplanışı keçəcək. Bu haqda “APA-Sport” agentliyinə Gənclər və İdman Nazirliyinin mətbuat katibi Səmayə Məmmədova məlumat verib. Onun sözlərinə görə, aprelin 27-də başlanacaq hazırlıq prosesi mayın 14-dək davam edəcək. Təlim-məşq toplanışında Pekin Yay Olimpiya Oyunlarına lisenziya qazanan Samir Məmmədov (51 kq) və Şahin İmranov (57 kq), həmçinin Elşən İsmayılov (54 kq), Şəhriyar Tağıyev (57 kq) və Famil Süleymanovun (60 kq) iştirakı nəzərdə tutulub. Astanaya yollanan heyətə S.Məmmədovun şəxsi məşqçisi, Peşəkar Boks Federasiyasının prezidenti, əməkdar məşqçi Zahid Əliyev rəhbərlik edəcək.

• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib
• Güllə atıcılığı üzrə Azərbaycan birinciliyinin qalibləri müəyyənləşib