Bakı. Kənan Həsənov-APA-Sport. Bolqarıstanın Plovdiv şəhərində təşkil olunan şahmat üzrə şəxsi Avropa çempionatında dördüncü turun oyunları başa çatıb. “APA-Sport” agentliyinin məlumatına görə, kişilərin birinciliyində Rauf Məmmədov liderliyi əldən verib. Milli komandamızın üzvü ardıcıl üç qələbədən sonra hollandiyalı Yan Verle ilə heç- heçə oynayıb. Beynəlxalq qrossmeysterimiz bu gün 5-ci tur çərçivəsində rusiyalı Dmitri Kokarevlə qarşılaşacaq. Digər təmsilçilərimizdən Qədir Hüseynovla Nicat Məmmədov 3, Eltac Səfərli və Fərhad Tahirov 2 xal toplayıb. Qadınların yarışında isə Nərmin Kazımova liderlər qrupunda qərarlaşıb. Keçirdiyi dörd oyundan 3,5 xal toplayan həmyerlimiz növbəti görüşünü Viktoriya Çmiliteyə (Litva) qarşı keçirəcək. İlahə Qədimovanın 2,5, Xəyalə İsgəndərova, Türkan Məmmədyarova və Zeynəb Məmmədyarovanın 2, Nərgiz Umudova ilə Gülnar Məmmədovanın 1,5 xalı var.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib