Lənkəran. Elşən Məmmədov-APA-Sport. Sabah Lənkəran Olimpiya Kompleksində uşu üzrə uşaqlar, yeniyetmələr, gənclər və böyüklər arasında Azərbaycan çempionatı start götürəcək. Bu haqda “APA-Sport” agentliyinə Uşu Federasiyasının prezidenti Azər Həsənsoy məlumat verib. Onun sözlərinə görə, iki gün davam edəcək yarışda 200-dək idmançının iştirakı gözlənilir. A.Həsənsoy bildirib ki, ölkə birinciliyinin Lənkəranda keçirilməsində əsas məqsəd regionlarda uşunun inkişafına təkan verməkdir. Həmçinin, federasiya prezidenti qarşıdakı çempionatla bağlı xoşagəlməz halların da yarandığını söyləyib. O, çempionatın Gənclər və İdman Nazirliyinin təqvim-planına salınmasına baxmayaraq, bəzi rayon və şəhərlərin müvafiq idarələrinin müxtəlif bəhanələrlə yarışa idmançı ezam etməkdən boyun qaçırdıqlarını vurğulayıb. A.Həsənsoy onu da əlavə edib ki, bununla əlaqədar lazımi instansiyalara şikayət olunacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib