Tbilisi. Elşən Məmmədov-APA-Sport. Bu gün Gürcüstanın paytaxtı Tiflisdə idman və döyüş sambosu üzrə Avropa çempionatının startı verilib. Yarışın ilk günündə xalça üzərinə çıxan Azərbaycanın 5 idman samboçusundan 3-ü medal qazanıb. Bu haqda “APA-Sport” agentliyinə hazırda qitə birinciliyini izləyən Sambo Federasiyasının prezidenti Ceyhun Məmmədov məlumat verib. Onun sözlərinə görə, İslam Qasımov (52 kq), Tərlan Kərimov (62 kq) və Araz Muxtarov (74 kq) bürünc medala sahib çıxıb. Yasin Həsənov (90 kq) və Vasif Səfərbəyov (+100 kq) isə erkən məğlub olaraq, mükafata layiq yerləri tuta bilməyib. Sabah daha 4 idman samboçumuz - Elçin Mayılov (57 kq), Emil Həsənov (68 kq), Zaur Paşayev (82 kq) və Anar Əliyev (100 kq) mübarizəyə qoşulacaq. Mayın 1-də isə ilk dəfə döyüş samboçularımız qüvvələrini sınayacaqlar.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO